පමා වූ වැලන්ටයින් පණිවුඩය

වැලන්ටයින් දිනය එහෙමත් නැත්නම් ආදරවන්තයින්ගේ දිනය හැම අවුරුද්දෙම පෙබරවාරි 14 වෙනිදා මහ ඉහළින් සමරන්නේ ආදරවන්තයින්ටත් වෙළෙන්දෝ කණ්ඩායම. වෙසක්, පොසොන්, නත්තල් වගේ ආගමික උත්සව බදු ගත්තු වෙළෙන්දන්ට ආදරවන්තයින්ගේ දිනය බදු ගන්න පුලුවන් වෙන එක අහන්නත් දෙයක්ද ?

හුඟක් දේවල්වලට ජාතිකවත් ජාත්‍යන්තරවත් දින වෙන්කරලා තියෙනවනේ. ඉතින් ඒ දිනයට විතරද ඒවා මතක් කරන්න ඕනේ. ඒවා අනිත් දවස්වල මතක් කරන්නවත් ඕනේ නැද්ද ? එහෙමත් තර්කයක් තියෙනවා.

ඒකට ඉතින් දෙන්න පුලුවන් හොඳම උත්තරේ තමා පුලුවන් හැමවෙලේම ඔය එක එක දිනවලින් කියන දේවල් ගැන සැළකිලිමත් වෙන්න. ඒ ගමන්ම අවුරුද්දකට පාරක් ඒ වෙනුවෙන් තියෙන දිනයේදි ඒ ගැන වැඩියෙන් සැළකිලිමත් වෙන්න.

අද ලොකු දෙයක් කියන්න නැහැ. මේකයි කතාව.

ආදරවන්තයින්ගේ දිනය මට නම් විශේෂ දිනයක් නෙමෙයි.

ඉතින් එදා උදෙත් campus යන්න ඇඳුම් මදින ගමන් එකෙක් කතා කරලා අහනවා "අද මොකද මචං කරන්නේ?" කියලා.

මම කිව්වා "අමුතු දෙයක් නැහැ බන් මම මේ campus යන්න ඇඳුම් මදිනවා" කියලා.

පස්සේ මිනිහා කියනවා "අද වැලන්ටයින්නේ බන්. උඹ මොකුත් කරන්නේ නැද්ද? " කියලා.

මම කිව්වා "මොන වැලන්ටයින්ද බන් මට. උඹ කිව්වහමයි මතක් වුණේ අද වැලන්ටයින්" කියලා

පස්සේ ඉතින් උදේ කැම්පස් එන ගමන් බස් එකේදී තමා මේ කවි සිතුවිල්ල වගේ එක ආවේ.

ඇත මල් මා සතුවත්
ඒත් දෙන්නට නැහැ කවුරුත්
පුදමි මල් බුදු හිමිටවත්
හැකිය යන්නට ඒ මාර්ගෙත්

20 ක් විතර ඒකට "like" වෙලා තිබුණා. ඒකට කීප දෙනෙක්ම උත්තර දීලත් තිබුණා. මේ තියෙන්නේ ඒ උත්තර ටික

Chamila Sujani Uthpalawarna : මල් කොල්ලෙක් මම්....මල් දෙන්නම් මම්...ද?

Hasitha Chamikara Gunasinghe ‎ : නොදෙමි මල් කිසිවෙකුට, පුදමි බුදු සමිඳුන්ට

Chamila Sujani Uthpalawarna : උඩඟු ලියන් ගොතා බඳින නීල වරල සරසන්නට ..මා පිපුනේ නැත ..මේ දෙරණේ....

Sojani Wathsala Mallawaarachchi : නුඹටත් කෙනෙක් ඉදිවී, දවසක හොයාගෙන ඒවී

Inoka Rathnayake : කවුරු හිටියත් දෙන්න නම් එපා මල්...... හොඳේ. බුදු හාමුදුරුවන්ට විතරක් පූජා කරන්න....

ඕන් ඔහොමලු වුණේ :))

සීත රෑක මධුසමේ මා ඔබේ වෙලා..... අහලා තියෙනවාද ?

දැන් කාලේ ලංකාවේ music කොච්චර ජනප්‍රියද කියනවා නම් අහවස ලියන සිංදුවට රෑ music දාලා පහුවෙනිදා උදේට FM වල, TV Channels වල යන තරමටම ලංකාවේ music දියුණුයි :) Musical show එකක් කිව්වොත් කොල්ලෝ කුරුට්ටෝ පිරෙන හැටි හැමෝම දැකලා ඇතිනේ.

ජනප්‍රිය සංගීතයේ ඉල්ලුම වගේම ශාස්ත්‍රීය සංගීතයේ වුණත් ඉල්ලුමක් නැහැ කියන්න බැහැ. වික්ටර් රත්නායකයන්ගේ ප්‍රසංගය, සුනිල් එදිරිසිංහයන්ගේ සඳකඩ පහණ, නන්දා මාලිනියන්ගේ ශ්වේත රාත්‍රිය වගේ ප්‍රසංගවලට කොච්චර නම් මිනිස්සු යනවද ?

ජනප්‍රිය සංගීතයේ සිංදුවලට වෙන දෙයක් තමයි ඒ සිංදු FM වල, TV Channels වල පෙන්නකම් දානකම් ජනප්‍රියයි, මිනිස්සුන්ගේ කටේ තියෙන්නේම ඒ සිංදුව, එකක් වුණත් ඇහෙන්නේ ඒ සිංදුව. හැබැයි ඊට පස්සේ එහෙම සිංදුවක් තිබ්බද කියලාවත් මතක නැහැ. එහෙම වුණු සිංදු ගැන උදාහරණ මටත් වඩා හොඳට ඔයාලා දන්නවා ඇති.

ඉතින් අද ආගිය කතාවෙන් කතා කරන්නේ කාලෙකට ඉස්සර කරළියට ආපු සිංදු 2 ක් ගැන මම හිතන විදිහට නම් හුඟක් අය මේ සිංදු දෙක අහලා නැතුව ඇති. ඇහුවත් තේරුමක් දන්නේ නැතුවයි අහලා තියෙන්නේ. ඒක නිසා මේ සිංදු දෙකෙන් කියන්නේ මොකක්ද කියන එකත් එක්ක මේ සිංදු අහලා බලමු.

මුල්ම සිංදුවේ ගායකයා රනිඳු ලංකාගේ.

රනිඳු කොළඹ රාජකීය විද්‍යාලයෙන් අධ්‍යාපනය හදාරපු A/L Commerce වලින් ලංකාවෙන් 4 වෙනියා වුණු කොල්ලෙක්. ලංකාවේ hip pop සංගීතයේ පෙර ගමන්කරුවෙක් වුණු රනිඳුගේ මුල්ම ඇල්බමය වුණු 2004 නිකුත් කරපු දිවිය පුරා ඇල්බමයේ තමා මේ සිංදුව තියෙන්නේ. සිංදුව තමයි සංසාරයේ......

මෙන්න සිංදුව.......

මේ තියෙන්නේ සිංදුවේ පද මාලාව

රන් හිරුයි ඔබ යෞවනේ
හදවතයි ඔබ ජීවිතේ
මල් මිටයි මගේ ආදරේ
ඔබ මගෙයි ආනන්දයේ

උල්පතයි කරුණා ගුණේ
සෙනෙහසයි ඔබ රන් කිරේ
නාදයයි මගේ ජීවිතේ
මා ඔබෙයි සංසාරයේ

සැනසුමයි මගේ ජිවිතේ
සිසිලසයි මේ පින් බිමේ
ජිවයයි කුළුදුල් පෙමේ
මා ඔබෙයි සංසාරයේ

කැඩපතයි හද මංසලේ
රිය සකයි ඔබ ආ මඟේ
බෑවුමයි ගිරි දුර්ගයේ
ඔබ මගෙයි තුන් කාලයේ

මහ මෙරයි මුදිතා ගුණේ
සළකුණයි ජය මාවතේ
රිද්මයයි මිනිසත්කමේ
මා ඔබෙයි සංසාරයේ

සැනසුමයි මගේ ජීවිතේ ///

කවුරු ගැනද මේ රනිඳු කියන්නේ ? අපේ කුළුදුල් ප්‍රේමය අපි පිදුව, කරුණා ගුණයේ උල්පත වුණු, මහ මෙරක් තරම් මුදිතා ගුණයක් තිබුණු අම්මා ගැන තමයි මේ සිංදුවෙන් කියන්නේ...

මේ සිංදුව කලින් අහලා තිබුණා නම් මේක හිතුණද ? ඉතින් රනිඳුත් අම්මා ගැන කියවෙන සිංදුවක් කරලා තියෙනවා. හැබැයි සිංදුවේ කොතනකවත් අම්මා කියන එක භාවිතා කරන්නේ නැතුව ඒත් අම්මලා ගාව තියෙන සියලුම ගුණාංග කතා කරමින්.

සිංදුවේ පද රචකයා නම් දන්නේ නැහැ. ඒත් සංගීතය රනිඳුගෙන්මයි. රනිඳු දක්ෂ පියානෝ සහ වාදකයෙක් කියන එකත් මතක් කරන්න ඕනේ.

රනිඳුගේ අලුත් වැඩ ගැන මේකට ගිහින් බලන්න.

http://raniduonline.com/

මීළඟ සිංදුව ගායනා කරන්නේ විශාරද සමිතා මුදුන්කොටුව.

ශාස්ත්‍රීය සංගීතය හොඳින් හදාරලා තියෙන සමිතා මුදුන්කොටුව මුල් කාලේ සරල ගීත ගායනා කළත් මෑත කාලේ තාරුණ්‍යයේ හද බැඳ ගත් සිංදු කීපයක්ම ගායනා කරලා තියෙනවා.

මේ සිංදුවත් මම හිතන විදිහට 2004, 2005 කාලයේදී තමා නිකුත් කෙරුණේ. සිංදුව තමයි සීත රෑක මධුසමේ. මේ සිංදුව නම් කට්ටියට මතක ඇති. පහුගිය කාලේ ස්වර්ණවාහිනියෙන් කරපු Dance Star Dance වැඩසටහනේ උදාරි වර්ණකුලසූරිය එක පාරක් මේ සිංදුවට dance කළා.

මෙන්න සිංදුව..............

මේ තියෙන්නේ සිංදුවේ පද මාලාව

සීත රෑක මධුසමේ මා ඔබේ වෙලා
ප්‍රේමණීය කල්පනා මා ලයේ මවා

රෑ දඟ වැඩියි තිසරුන් සැලී
නොලැබූ සුවේ යදිනවා //

සීත රෑක මධුසමේ මා ඔබේ වෙලා....

සීතල ගෙනා පවනේ වෙලී
සේලේ පියාසලනවා //

සීත රෑක මධුසමේ මා ඔබේ වෙලා....

මා බඳ වටා එතෙනා ඔබේ
පහසේ නුරා නිවෙනවා //

කොහොමද සිංදුව මධුසමය එහෙමත් නැත්නම් එකේදී වෙන හුඟක් දේවල් ලස්සනට කතා කරලා තියෙනවා නේද ? මේ සිංදුව කලින් අහද්දී මේවා ටික තේරුණාද :)

මේ සිංදුවෙත් පද රචකයා දන්නේ නැති වුණත් දක්ෂ විදිහට මධුසමේ සිදුවීම් ගීතයට නගන්න එයා සමත්වෙලා තියෙනවා.

ඒ වගේමයි ගී තනු නිර්මාණය කරපු පුද්ගලයා. මම හිතන විදිහට නම් මේ සිංදුවේ කරලා තියෙන්නේ එක්කෝ නදීක ගුරුගේ එහෙමත් නැත්නම් කසුන් කල්හාර. ගිටාරය, බටනලාව වගේ භාණ්ඩ මැනවින් භාවිතා කරලා පද මාලාවේ කියවෙන දේට සාධාරණයක් කරන්න සංගීත නිර්මාණය කරපු කෙනත් සමත් වෙලා තියෙනවා. සමිතාගේ කට හඬ වුණත් ගීතයේ පද මාලාවට ගැළපෙන විදිහට තමයි ඉදිරිපත් වෙන්නේ.

ඉතින් අද කතාව ඉවරයි. මීට කලින් ඔයාලා සිංදුවක් අහද්දී ඔහේ ඇහුවා නම් අද ඉදන්වත් පොඩ්ඩක් විමසිල්ලෙන් අහලා බලන්න මේ මනුස්සයා මොනවද කියන්නේ කියලා.

ඒ වගේමයි අද කාලේ visual එකක් තිබුණේ නැත්නම් සිංදුව ජනප්‍රිය වෙන්නේ නැති ප්‍රශ්නයක් තියෙනවා. ඉතින් visuals තියෙන සිංදු පස්සේම යන්නේ නැතුව අනිත් සිංදු ගැනත් පොඩ්ඩක් සෝදිසි කරලා බලන්න. ලස්සන සිංදු ගොඩක් හම්බවෙයි :)

ඩොමිනික් චන්ද්‍රසාලිගේ දුතියාගමනයේ ප‍්‍රථමාගමනය

මමයි ඩොමායි campus එක පහළ ඉදන් ඩොමාගේ අලූත් කතා පොතේ proof කියවලා ඒකේ තිබුණු අක්ෂර දෝෂ ටික හදලා campus එකට එමින් ගමන්.

මම ඩොමාට කිව්වා "මචං අර චීන්නු කිව්වා වගේ දැන් උඹට ඉතුරු වෙලා තියෙන්නේ පුතෙක් හදන්න විතරයිනේ. උඹ දැන් පොතකුත් ලියලා තියෙනවා, ගසුත් හිටවලා ඇතිනේ" කියලා.

එතකොට ඩොමා කිව්වා "නැහැ බන් පුතා හදන වැඩේ විතරක් ඉතුරුවෙලා දැන් හුඟක් කල්. මොකද බන් මම ඉස්කෝලේ යන කාලේ තමයි මුල්ම පොත ලිව්වේ" කියලා.

මගේ විශ්වවිද්‍යාල සගයෙක් වෙන ඩොමිනික් චන්ද්‍රසාලි එහෙමත් නැත්නම් ඩොමා ගැන අද කතා කරන්නේ ඩොමාගේ පළවෙනි කවි පොත ලබන සතියේ දොරට වඩින නිසා. ඉතින් ඒකමයි අද post එකේ මාතෘකාව "ඩොමිනික් චන්ද්‍රසාලිගේ දුතියාගමනයේ ප‍්‍රථමාගමනය" වුණේ.

ඩොමා ගැන මම මුලින්ම දැනගත්තේ ස්වීටාගෙන්. මොකක් හරි කතාවකදී ස්වීටා කිව්වා "ඩොමා කියලා සිරා කොල්ලෙක් ඉන්නවා බන්. චිත‍්‍ර වැඩ වගේ ඒවට සුපිරි වැඩ්ඩෙක්. ඒත් මූ lectures යන්නේ නැහැ බන් එක එක වැඩ ඌට. අපරාදේ බන්" කියලා.

ඊට පස්සේ මට ඩොමාව මුලින්ම හම්බුණේ exam එකට admission එක ගන්න පෝලිමේ යද්දී. ඩොමා අපිට කලින් admission එක අරගෙන ඒක කියවන ගමන් හිනාවෙවී කියනවා "බලපල්ලකෝ බන් මේකේ කොරියන් paper එකකුයි හින්දි paper එකකුයි තියෙනවානේ බන්. දැන් කොහොමද මේවට ලියන්නේ" කියලා. කාරණය පැහැදිලියිනේ ඩොමා එච්චර lectures යන්නේ නැහැනේ :)

ඉතින් කොහොම හරි ඩොමා ස්වීටගේ යාලූවෙක් නිසා මාවත් අඳුරගත්තා. ඒ වගේම අපේ තවත් යාලූවෙක්ගේ තාත්තා කෙනෙක්ට Operation එකකට ලේ උවමනා වෙලා ඩොමා මට ඒක කියලා අපි ලේ හෙව්වා. ඒක මම "ලේ වෙනුවෙන්......" කියලා ඒ කාලේ blog එකටත් ලිව්වා.

හිත හොඳ මනුස්සයෙක් වුණු ඩොමා පාරේදී හම්බුණත් හිනාවෙලා විතරක් නොයා විස්තර කතා කරනවා වගේම පත්තරවල පළවුණු තමන්ගේ කවි එහෙම තිබ්බොත් අපිටත් කියවන්න දෙනවා. ඒ වගේමයි Pothpath.com web site එකේ කවි පිටුව කරන්න ඩොමා set වුණාට පස්සේ ඒකේ ඩොමාගේ කවියක් එහෙම තිබුණත් ඩොමා අපිටත් sms එවනවා ඒවා කියවලා බලන්න කියලා.

ඒ වගේමයි pothpath.com web site එක කරන උපුල් අයියව මට මුණගැස්සුවෙත් ඩොමා තමයි. එදා හෙණට වහින දවසක්. මම Gym Canteen එකේ ඉද්දී ඩොමා කතා කළා කොළඹට ගිහින් එමුද කියලා. පස්සේ ඉතින් අපි දෙන්නා මහ වැස්සේ කොළඹ ගිහින් උපුල් අයියගේ office එකට ගිහින් එයාව හම්බුණා. මාධ්‍ය ක්ෂේත‍්‍රයේ වැඩක් කරන එයාව හඳුනාගත්තු එක හරියට වටින දෙයක්.

පස්සේ ඉතින් අර කලින් කිව්වා වගේම ඩොමාගේ කවි පොතේ වැඩේට අපි set වුණා. අන්තිමටම මේ ගිය සතියේ දවසක උදේ මට ඩොමාව හම්බුණා.


"මම උඹව හම්බෙන්න හිටියේ" කියලා කියපු ඩොමා bag එකට අත දාලා "පබාවතීට කවක්" කියන කවි පොත අරන් මට දුන්නා.

දීලා කිව්වා "මේ මගේ කවි පොත බන්. මුල්ම එක දුන්නේ රත්න ශ්‍රීට. ඊළඟ එක මම දෙන්නේ උඹට. මේක ගැන facebook එකේ පොඩ්ඩක් දාපන්" කියලා.

මට තිබුණු වැඩත් එක්ක ඒ වැඩේ පොඩ්ඩක් අතපසු වුණත් මේ සතියේ ඩොමාගේ කවි පොත ගැන මම facebook එකේ හොඳ campaign එකක් කළා.........

මේ තියෙන්නේ ඒ කවි පොතේ කවියක්.

ඩොමාගේ කවි ගැන අමුතුවෙන් මට කියන්න දෙයක් නැහැ. ඩොමා කාලයක් පත්තරවලට ලියලා පන්නරය ලබපු කවියෙක්. ඒක එයා නිල වශයෙන් පොතකින් එළිදැකීමක් විතරයි මේ සිද්ධ කරන්නේ. මොකද නූතන කාව්‍යකරණයේ යෙදෙන හුඟාක් ඔයා ඩොමාට අඳුනන නිසා, ඩොමාගේ කවි දන්න නිසා අමුතුවෙන් ඩොමාට හඳුන්වාදීමක් අවශ්‍ය නැහැ.

ඉතින් ඔයාලටත් ඩොමා වෙනුවෙන් මම ආරාධනා කරනවා මේ මාසේ 9 වෙනිදා බ‍්‍රහස්පතින්දා හවස 2 ට කැලණිය විශ්වවිද්‍යාලයේ ශ්‍රී ධර්මාලෝක ශාලාවට [DH එකට] එන්න කියලා ඩොමාගේ පබාවතීට කවක් දොරට වඩින උත්සවයට.

කවියට හිතැති අතදෙන ඔයාලගේ පැමිණීම ඩොමාට හයියක් වෙයි. මේ link එකෙන් ගිහින් ඔයාලගේ පැමිණීම තහවුරු කරන්න.

ඩොමාගේ හිත හොඳකම ගැන මේ කවිය ලිව්වේ තවත් තරුණ කවියෙක් වෙන මහින්ද ප‍්‍රසාද්.

ඩොමා කාව්‍යකරණයේ දිගු ගමනකට උඹට මගේ සුභ පැතුම්..............

ඩොමාට සුභ පතන්න ඔයාලත් කැමති නම් මෙන්න ඉඩ

ප.ලි. මට ඉන්න මේ වගේ දක්ෂ යාලූවෝ ගැන මම මීට කලිනුත් ලියපු ලිපි කියවන්න කැමති නම් මෙතනින් යන්න. මේ වගේ යාලූවෝ ඉන්න එක ගැන මම සතුටුයි වගේම ආඩම්බරයි :)

ආශ්චර්යයේ මාවතෙන් විසාකාවියන් වෙතට

සටහන සංශෝධනය කර නැවත පළ කර ඇතිබව කරුණාවෙන් සළකන්න

හීනයක්ද කියලා බලන්න අත පොඩ්ඩක් කොනිත්තලා බලන්න උවමනා කළේ නැහැ. මේ ඇත්තම ඇත්ත. Toyota Primeo car එකක මමයි අපේ දුලානි මිසුයි පිටිපස්සේ එකේ. මිස්ගේ මහත්තයා අපේ හේමන්ත සර් ඉස්සරහ seat එකේ. අපේ ආරක්ෂාකාරී, ධාවකයා ගිහාන් driving seat එකේ.

අපි යන්නේ ලංකාවේ තියෙන දක්ෂිණ ලංකා අධිවේගී මාර්ගයේ. පිස්සු හැදෙයි සඳ බැබළෙයි කිව්වලූ :))

කතාවට මුල ඉදන්ම එමු. කොළඹ විසාකා විද්‍යාලයේ තියෙන ශිෂ්‍ය පාර්ලිමේන්තුවේ ගරු අගමැතිතුමිය ඇතුළු මන්ත්‍රීවරියන්ට නායකත්ව පුහුණු වැඩමුළුවක් බණ්ඩාරගම මොරොන්තුඩුවේ Owinka Lake Resort එකේ තිබුණා.


අන්න hotels කිව්වලූ. පුලූවන් දවසක ගිහින් බලන්න. සුපිරි. කන්නද බොන්නද නාන්නද එකී මෙකී නොකී ඕන එකකට නියමම spot එක. මෙන්න hotel එකේ web site එක.

ආයි කතාවට ආවොත් අපේ දුලානි මිස්ටත් මේ වැඩමුළුවේ ආරම්භක දවසේ උදේ වරුවේ නායකත්වය ගැන කතා කරන්න ප‍්‍රායෝගික සැසියක් භාරවෙලා තිබුණේ. ඒකට ඕන කරන activities හදන්න අපි දවස් කීපයක් මහන්සි වුණා.

පස්සේ මිස් නිකමට වගේද මන්දා මගෙන් ඇහුවා "හසිතටත් එදාට අපිත් එක්ක යන්න එන්න පුලූවන්ද ? මේ කරන්න එහෙම එතකොට ලේසියිනේ" කියලා.

මට එදාට දහසකුත් එකක් වැඩ තිබුණු දවසක්. මගේ හිතවතෙක් වුණු ශෂිත හෙට්ටිආරච්චිගේ කුළුදුල් පොත එළිදක්වනවා කියලා ඒකට මට invite කළා. ඊටත් හපන් අපේ මාසේ පිං පඩිය ගන්න අත්සන් කරන්න තිබුණෙත් එදා.

ඒ මොනවා වුණත් පුරාණ සෘෂිවරු කට කහනවට වගේ කියපු "නාස්ති ස්ත‍්‍රී සමො රසඃ" ඒ කියන්නේ ස්ත‍්‍රිය හා සමාන රසයක් නැත. කාල බලලද දන්නේ නැහැ :)) ඕවා ඔක්කොම නිසා මම ඉබ්බා දියට දාද්දී ඇන්නෑවේ කිව්වා වගේ අකමැත්තෙන් වුණත් කැමති වුණා මේකට යන්න.

ඊට පස්සේ ඉතින් සුපුරුදු කතාවක්. අපි ඔක්කොම වෙලාවට ලෑස්ති වුණා. මිස් ලෑස්ති වෙන්න පරක්කු වුණා. ඒක නිසා අපිට highway එකෙන් බණ්ඩාරගමට යන්න සිද්ධ වුණා ප්‍රමාදය මග හරහා ගන්න. එහෙන් මෙහෙන් shortcut වලින් දාගෙන ගිහාන් අපිව කොට්ටාවට අරන්ආවා.

Highway එක පටන් ගන්න කොට්ටාව හරියට එද්දී නිකම් වෙසක් පෝයට හදන මහා තොරණ් රාජයෙක්ගේ පිටිපස්ස වගේ බම්බු හිටවලා structure එකක් නෙමෙයි කීපයක්ම තියෙනවා. ඒ කොළඹටම උඩින් දාන්න යන highway එකේ ඉදිකිරීම්.


පස්සේ ඉතින් highway එකට ඇතුල්වෙද්දී entrance එකේ හිටිය Man "Good Morning Sir" කියලා ටිකට් එක දුන්නා. ඕන් අපි highway එකේ යන්න පටන් ගත්තා. අපේ ගිහානයාට හයියෙන් යන්න බැහැනේ :))

අන්තිමට කොහොම හරි ගැලණිගම පිටවීමට එන්න විනාඩි 5 කටත් අඩු කාලයක් තමා අපිට ගතවුණේ. හොඳ දේට හොඳයි කියන්න එපැයි. මේ වැඩේ නම් චින්තනෙන් කරපු හොඳ වැඩක්.


ගැටළු නැතිවා නෙමෙයි. කුඹුරු මැද්දෙන් තමා highway එක ගිහින් තියෙන්නේ. එක පැත්තක ලියදි ටික කරලා අනිත් පැත්තේ ලියදි ටික කරන්න ගොවිරාළ ගාණක් වියදම් කරන් එහා පැත්තට යන්න ඕනේ වගේ පොඩි පොඩි scene තියෙනවා. ඒත් ඉතින් මේක ආරම්භයනේ කියලා හිත හදාගමුකෝ.

වැරදි වෙනවනේ කොටින්ම හම්බන්තොට වරාය හැදුවටත් පස්සේලූනේ ලොකු ගලක් තිබිලා කැඩුවා කියන්නේ.



මම සිංගප්පූරුවෙයි, මැලේසියාවෙදියි highway වල ගියාට මේ ලංකාවේ highway එකේ ගිය මුල් පාරනේ. ඉතින් ලංකාවෙත් මේ වගේ ඉදිකිරීම් වෙන එක ගැන ලාංකිකයෙක් විදිහට ආඩම්බරයි.

කතාව අවසානයි. අපි සුන්දර විසාකාවියන් එක්ක සුන්දර හෝරා කීපයක් ගත කරපු හැටි බලන්න කැමති අය ඉන්නවා නම් මෙන්න ඒකට පාර. කෝකටත් මම මේකටත් photos දෙක තුනක් දානවා. ඔයාලා අඳුරන අය එහෙම ඉන්නවාද කියලා බලන්න :))


ඔයාලත් highway එකේ ගිහින් බලන්නකෝ. අපේ දේවල් වටින්නේ අපිටනේ.

ප.ලි.: ගොන්කමට සීමාවක් තිබිය යුතුය. ඇනෝනිමස් අදහස් කීපයකින් සහ තවත් සහෘදයන් කීප දෙනෙක්ගේ අදහස්වලින් ඒ සීමාව වටහා ගත්තෙමි. මාහට එය වටහා දීමට උත්සුක වූ සැමට ස්තුතියි. දැන් කළ හැකි අන්දමට එය නිවැරදි කළෙමි. එයද විනිශ්චය කිරීම ඔබට භාරය

කිසිම අදහසක් වාරණය කිරීමට මා උත්සහ නොදරා ඇත්තේද මෙවන් වූ පාඨක අදහස් බලාපොරොත්තුවෙනි. හුරේ නොදමා හරි දේට හරි යැයිද වැරදි දේට වැරදි යයිද කියන මෙවන් පාඨකයන් බ්ලොග්කරුවන් නිවැරදි මාර්ගයේ ගෙනයාමට දායකවීම ගැන නැවතත් ස්තුතිය :)

සටහන සංශෝධනය කර පළ කර ඇති බව කරුණාවෙන් සළකන්න

සංගීතයෙන් ලොව දිනූ කල්ලන්

මේ ළඟදී දවසක මුහුණු පොතේ කරක් ගහද්දී රුක්මාල් නිරෝෂ් කියන කාලෙකට ඉස්සර ටෙලි නාට්‍යවලින් අපි දැකපු රංගන ශිල්පියා අධ්‍යක්ෂණය කරපු ”සුළඟ මත මොහොතක්” ටෙලි නාට්‍යයේ trailer එක දැකගන්න පුලූවන් වුණා. මේ තියෙන්නේ ඒ trailer එක.

Trailer එකේ background song එක විදිහට ගියපු song එක මොකක්ද කියලා හොයාගෙන යන කොටයි මෙහෙම post එකක් ලියන්න තරම් දේවල් එකතු වුණේ.

අඳුරු මහද්වීපය එහෙමත් නැත්නම් අපි‍්‍රකා මහද්වීපය තමන්ගේ නිජබිම කරගත්තු නීග්‍රෝ මිනිස්සු එයාලගේ පාඩුවේ කල් ගෙවද්දී සුදු මිනිස්සු ඇවිත් මෙයාලාව වහල්ලූ විදිහට තමන්ගේ රටවල්වලට අරගෙන ගියා. කලූ වහලූන්ව ඒ කාලේ හඳුන්වලා තියෙන්නේ "කළු ඇත්දළ" කියලා. ඒ වගේමයි අපි‍්‍රකානු භූමියත් මේ නූගත් නීග්‍රෝවරුන්ව මෝඩයෝ කරලා කොල්ල කන්න සුදු ජාතිකයෝ සමත් වුණා.

සුදු ජාතිකයෝ නිසාම ලෝකේ හුඟක් රටවල්වලට නීග්‍රෝවරු පැතිරිලා ගියා. කොටින්ම පෘතුගීසීකාරයෝ නිසා ලංකාවටත් මේ නීග්‍රෝවරු ආවා නොවැ. තවමත් එයාලගෙන් පැවැත එන අය පුත්තලමේ, කල්පිටිය පැත්තේ ඉන්නවා.

ලෝකය පුරාම තමන්ගේ වහල් මෙහෙයට මේ කලූ ජාතිකයින්ව සුදු ජාතිකයෝ අරගෙන ගිහින් දරුණු වද හිංසා එහෙමත් පමුණවලා තියෙනවා. කාලෙත් එක්කම ක‍්‍රමයෙන් මේවා වෙනස් වුණා. ඇමරිකාවේ හිටපු ඒබ්‍රහම් ලින්කන් ජනාධිපතිතුමා මේ වහල් සේවය තහනම් කළා.
ඒ වගේම දකුණු අපි‍්‍රකාවේ නෙල්සන් මැන්ඩලා මේ වර්ණ භේදවාදයට විරුද්ධව සටන් කරලා ජය ගත්තා. මාටින් ලූතර් කිං වගේ කලූ ජාතිකයින් සුප‍්‍රකට ජන නායකයින් වුණා. අවසානයටම ගත්තොත් බැරැක් ඔබාමා කියන කලූ ජාතිකයා ඇමරිකාවේ මහ පුටුවෙත් වාඩි වුණා.

මේ මොනවා කොහොම වුණත් තවමත් කලූ ජාතිකයන්ට අවඥා කරන එක සුලූ සුලූ විදිහට හරි වෙනවලූ. මම කාලෙකට කලින් කිව්ව "පොත් ගැන කතාවක්" post එකේ රික් බ්‍රේත්වේට් කියන ගුරුතුමාටත් එහෙම තත්වවලට මුහුණ දෙන්න සිද්ධ වෙනවා.

ඉතින් අද කතාවට ආවොත් මොන වගේ කරදර ආවත් මේ කලූ ජාතිකයන් සතුටෙන් හිටපු කට්ටියක්. ලංකාවේ ඉන්න මේ කලූ ජාතිකයන්ගේ සංගීත ප‍්‍රසංගයක් පහුගිය කාලේ තිබුණා වගේම ජාතික රූපවාහිනියේ රිදම් චැට් වැඩසටහනිනුත් මෙයාලාගේ සිංදු වගයක් දවසක් පෙන්නුවා.

ඉතින් කලු ජාතිකයෙක් වුණත් තමන්ගේ සංගීත හැකියාවෙන් සුදු ජාතිකයන් වසඟ කරපු කලු ජාතික ගායකයෝ වගේම සංගීතඥයෝ කීප දෙනෙක් ගැනයි මේ කතා බහ

මේ post එකට මූල බීජය දුන්නු "What a Wonderful World" සිංදුවෙන්ම පටන් ගත්තොත් Louis Armstrong කියන 1901-1971 කාලේ ජීවත් වුණු ගායකයා තමයි මේ ගීතය ගායනා කරන්නේ.

දක්ෂ ට‍්‍රම්පට් වාදකයෙක් විදිහටත් මෙයාව හඳුන්වන්න පුලූවන්. ඒ වගේම නළුවෙක් විදිහටත් මෙයා කටයුතු කරලා තියෙනවා. මේ link එකෙන් ගිහින් එයාගේ තව සිංදු බලාගන්න පුළුවන්.

මීළඟට කතා කරන්නේ Ray Charles ගැන. පොඩි කාලේ ඉදන් හරියටම කිව්වොත් අවුරුදු 3 ඉදන්ම පියානෝ වාදනයට Ray දක්ෂ වෙනවා. ඒත් අවුරුදු 7 දී ඇස් පෙනීම නැතිවීමත් එක්ක ඒක තමන්ගේ සංගීත ගමනට බාධාවක් කර නොගත්තු Ray අන්ධ විද්‍යාලයකට ඇතුල්වෙලා බ්‍රේල් ක‍්‍රමයෙන් පියානෝ වාදනය තවදුරටත් ප‍්‍රගුණ කරනවා.

මෙයත් චිත‍්‍රපටි නළුවෙක් වුණා වගේම Ray ගේ කතාවෙන් චිත‍්‍රපටි පවා නිර්මාණය කරලා තියෙනවා. මේ Hit The Road Jack සිංදුව ගේ ප‍්‍රසිද්ධ සිංදුවක්.

Ray ගේ තවත් සිංදු මේ link එකෙන් ගිහින් බලන්න පුලුවන්.

මෙයා තමයි Johnny Nash. මෙයත් නළුවෙක් විදිහට වැඩ කරලා තියෙනවා. Nash ගේ ප‍්‍රසිද්ධම ගීතයක් තමයි මේ I Can See Clearly Now සිංදුව.

පස්සේ කාලේ තව තව අයත් මේ සිංදුව එක එක විදිහට ගායනය කළත් Johnny Nash තමයි මේ සිංදුවේ මුල් ගායකයා. Johnny Nash ගේ තවත් සිංදු මේ link එකෙන් ගිහින් බලන්න පුලුවන්.

Johnny Nashගේ I Can See Clearly Now සිංදුව තව ටිකක් රොක් කරලා ගත්තු කෙනෙක් තමා Jimmy Cliff කියන්නේ. මේ තියෙන්නේ ඒ සිංදුව.

මෙයත් නළුවෙක් විදිහට වැඩ කරලා තියෙන කෙනෙක්. Jimmy Cliff ගේ ප‍්‍රසිද්ධම සිංදුවක් තමා මේ Many Rivers to Cross සිංදුව.

මේ සිංදුවෙන් ලංකාවේ හුඟක් ප‍්‍රසිද්ධ සිංදුවක් නිර්මාණය කරලා තියෙනවා. ඒ තමයි චිත‍්‍රාල් සෝමපාල ගායනා කරන ”නදී ගංගා තරණයේ” කියන සිංදුව.

ඒකෙම තනුව ටිකක් වෙනස් කරලා ඉරාජ් වීරරත්නත් මේ පද මාලාවෙන්ම සිංදුවක් කළා.ඒක කියන්නේ නදීක ජයවර්ධන. එයා ගැන මම දවසක් කිව්වේ.

Jimmy Cliff ගේ තවත් සිංදු මේ link එකෙන් ගිහින් බලන්න පුලුවන්.

මේ හාදයා ගැන නම් අමුතුවෙන් කියන්න දෙයක් නැහැ. මෙයා තමයි Bob Marley. 1981 දී පිළිකාවක් නිසා මෙයා මියගියත් තාමත් ජනපි‍්‍රයත්වයේ කිසිම අඩුවක් නැහැ. රස්තාවරයෙක් විදිහට මෙයාව අනුගමනය කරන අය ඉන්නවා වගේම ලංකාවේ නම් විලාසිතාවක් වගේ Bob Marley ගේ තොප්පි, T-Shirts, Stickers ආදී එකී මෙකී නොකී ඒවා පැතිරිලා තියෙන්නේ.

Bob Marley ගේ ප‍්‍රසිද්ධ සිංදුවක් තමා මේ Buffalo Soldier සිංදුව .

අපි පොඩි කාලේ "මගේ සුදු හාවා, පැන පැන ආවා” කියලා කිව්වෙත් මේකේ තාලෙටම තමා :))

Bob Marley ගේ තවත් සිංදු මේ link එකෙන් ගිහින් බලන්න පුලුවන්.

මේ Harry Belafonte. මෙයත් ගායකයෙක් වගේම නළුවෙක්. ඒ වගේම සමාජ කි‍්‍රයාකාරිකයෙක් කියලා කියන්නත් පුලූවන්. අපේ පරණ අය අතර ප‍්‍රසිද්ධ සිංදුව Jamaica Farewell සිංදුව කියන්නේ මෙයා තමයි.

ඒ වගේම Boney M සංගීත කණ්ඩායම ගායනා කරන ප‍්‍රසිද්ධ නත්තල් ගීතයක් වෙන Mary's Boy Child සිංදුව මුලින්ම කිව්වෙත් මෙයා තමයි.

Harry Belafonte ගේ තවත් සිංදු මේ link එකෙන් ගිහින් බලන්න පුලුවන්.

Boney M ලා ගැන කතාවට ආපු නිසා දැන් එයාලා ගැන කතා කරමුකෝ ටිකක්. එක කොල්ලෙක්ගෙනුත් කෙල්ලෝ තුන් දෙනෙකුගෙනුත් සමන්විත වුණු Boney M කණ්ඩායම 1980 සහ 1990 දශකයන්වල අතිශය ජනප්‍රිය සංගීත කණ්ඩායමක් වුණා.

මම කලින් කිව්වා වගේම මෙයාලා කියන ජනප්‍රිය ගීතයක් තමා මේ Mary's Boy Child සිංදුව

ඒ වගේම මෙයාලගේ තවත් ජනප්‍රිය ගීතයක් තමා මේ Daddy Cool සිංදුව.

මේ වෙන කොට සංගීත කණ්ඩායමේ පිරිමි සාමාජිකයා Bobby Farrell වුණු ජීවතුන් අතර නැතත් අනිත් තුන්දෙනා Liz Mitchell, Marcia Barrett, Maizie Williams තවමත් සංගීත කටයුතුවල යෙදෙනවා.

ඒ වගේම Boney M ලා කියන තවත් ජනප්‍රිය සිංදුවක් තමා මේ Rivers of Babylon සිංදුව.

ඒත් ඒක මුලින්ම කිව්වේ එයාලා නෙමෙයි The Melodians කියන ඒත් කලු කොල්ලෝ සෙට් එකක්. ඒ ගොල්ලෝ ගැන ඊළඟට

Boney M ලගේ තවත් සිංදු මේ link එකෙන් ගිහින් බලන්න පුලුවන්.

The Melodians කියන්නේ ජැමෙයිකාවේ කොල්ලෝ තුන් දෙනෙක් 1960 දශකයේ පටන් ගත්තු සංගීත කණ්ඩායමක්. මේ තමා එයාලා මුලින්ම කිව්ව Rivers of Babylon සිංදුව.

මේ වෙද්දී ඒ කණ්ඩායමේ ඉතුරු වෙලා ඉන්නේ දෙන්නයි. අනික් එක්කෙනා මිය ගිහින්

The Melodians ලගේ තවත් සිංදු මේ link එකෙන් ගිහින් බලන්න පුලුවන්.

මොකක් හරි ප්‍රශ්නයක් වුණාම අපි කියන දෙයක් තමා Don't Worry, Be Happy කියලා. ඒකෙන් පටන් ගන්න ප්‍රසිද්ධ සිංදුව Don't Worry, Be Happy කියන්නේ මේ Bobby McFerrin.

මෙයා දක්ෂ පියානෝ වාදකයෙක් වගේම බේස් ගිටාර් වාදකයෙක් කියලා තමයි කියන්නේ

Bobby McFerrin ගේ තවත් සිංදු මේ link එකෙන් ගිහින් බලන්න පුලුවන්.

තව දෙන්නෙක් ගැන විතරක් කියලා මේ කතාව නවත්තන්නයි හදන්නේ. එක් කෙනෙක් තමා Lionel Richie. Hello කියන සිංදුවෙන් හුඟාක් දෙනෙක් අතර ජනප්‍රිය වුණේ මෙන්න මෙයා තමයි.

මෙයත් නලුවෙක් විදිහටත් කටයුතු කරන කෙනෙක්.

Lionel Richie ගේ තවත් සිංදු මේ link එකෙන් ගිහින් බලන්න පුලුවන්.

අන්තිම එක්කෙනා ගැන අපි හැමෝම දන්නවා. එයා තමයි "පොප් රජු" විදිහට හඳුන්වපු මයිකල් ජැක්සන්. කලු ජාතිකයෙක් විදිහට 1958 දී ඉපදුණු මයිකල් ජැක්සන් ප්ලාස්ටික් සැත්කමකින් සුදු හමක් ලබාගන්නවා. තමන්ගේ ජීවිතේ හුඟාක් ජනප්‍රිය වුණා, ධනවත් වුණා වගේම හුඟාක් ප්‍රශ්නවලට මුහුණ දෙන්න මෙයාට සිද්ධ වුණා අවසානයේදී සැකයක් ඉතිරි කරමින් මයිකල් ජැක්සන් මෙලොවින් සමුගත්තේ 2009 අවුරුද්දේදී.

මේ මයිකල් ජැක්සන්ගේ මම කැමතිම සිංදුවක්

මයිකල් ජැක්සන්ගේ තවත් සිංදු මේ link එකෙන් ගිහින් බලන්න පුලුවන්.

තව මට අතපසු වුණු ගායකයෝ ගොඩක් ඇති. ඒ වගේමයි මේකට Akon, 50 cent වගේ අය නම් හිතාලමයි ඇතුල් කරලා නැත්තේ.....

හමෙන් කලු වුණත් සුදු මිනිස්සුන්ගෙන් නානා විධ කෙනෙහිලිකම්වලට ලක් වුණත් අවසානයේදී සුදු මිනිස්සු විතරක් නෙමෙයි සිංහල, දෙමළ, චීන, ජපන් ආදී මුලු ලෝකේම ජනතාව තාමත් තමන්ගේ හඬට ආසාවෙන් සවන් දෙන තත්වයට පත්වෙන්න මෙයාලට පුලුවන් වුණා...

සංගීතය විශ්ව භාෂාවක්ලුනේ :)

සර්පයෙක් දෂ්ඨ කළොත් මොකද කරන්නේ ???

පහුගිය දවසක අපේ Campus එකේ මල්ලී කෙනෙක් ලියපු පොළඟෙක් දෂ්ඨ කරලා පොඩි ගැහැණු ළමයෙක් මියගිය කතාවක් "සුදු නෙළුම කෝ...." කියලා මම publish කළ කට්ටියට මතක ඇති. ඒක ඇත්ත කතාවක්. ඒකත් එක්කම අපේ හිතවත් ටිකක් හිනාවෙන්න ඇවිත් යන්න බ්ලොග් එක ලියන අභීත අයියාත් නයෙක් සහ පොළඟෙක් ගැන නයෙක් ඇරියා කට්ටියට මතක ඇති. ඒ post එකේම සර්පයෙක් දෂ්ඨ කළාම කරන ප්‍රතිකාර ගැන ලියලා තිබුණා.

ඉතින් මමත් ශාන්ත ජෝන් ගිලන් රථ හමුදාවේ ප්‍රථමාධාරකරුවෙක් විදිහට වැඩ කරන නිසා අපිට උගන්වලා තියෙන මේ වෙන කොට නිවැරදි කියලා පිළිගන්න සර්පයෙක් දෂ්ඨ කලාම කරන ප්‍රතිකාර ගැන ඔයාලා දැනුවත් කරන්නයි මේ සූදානම.

මේ වෙන කොට නිවැරදි කියලා භාවිතා කරලා තියෙන්නේ ප්‍රථමාධාර කියන විෂය නිරන්තරයෙන්ම වගේ අලුත් වෙන විෂයක් නිසා. ඉස්සර කරපු සමහර ප්‍රතිකාර මේ වෙනකොට අහිතකරයි කියලා බැහැර කරලා පවා තියෙන නිසා. හරි අපි ආයි කතාවට එමු.

මුලින්ම අපි ලංකාවේ සර්පයෝ ගැන කෙටියෙන් දැනගමු. ශ්‍රී ලංකාවේ මේ වෙනකොට ඉන්න විවිධ සර්පයෝ වර්ග 93 ක් විතර හඳුනාගෙන තියෙනවා. ඒ සර්පයන්ගෙන් වැඩි දෙනෙක් දෂ්ඨ කරන්නේ නැහැ. සමහර සර්පයන් දෂ්ඨ කළත් එච්චර විෂක් නැහැ. විෂ සහිත දෂ්ඨ කිරීමක් වුනත් මාරාන්තික වෙන්නේ නැහැ.

ඒක නිසා ශ්‍රී ලංකාවේ සිද්ධ වෙන සර්ප දෂ්ඨ කිරීම්වලින් හුඟක් අය මරණයට පත්වෙන්නේ ඒ වෙලාවේ ඇතිවන අධික බය එහෙමත් නැත්නම කම්පනය නිසා.

ලංකාවේ මේ වෙනකොට හඳුනා ගෙන තියෙන උග්‍ර විෂ සහිත කට්ටිය තමා මෙයාලා

නාගයා [Cobra]

තිත් පොළඟා [Russell’s Viper]

තෙල් කරවලා [Common Krait]

වැලි පොළඟා [Saw Scaled Viper]

මූදු කරවලා [Sri Lankan Krait]

කුණකටුවා [Humped Nosed Viper]

මෙයාලා සෙට් එකෙනුත් මාරාන්තික විෂ සහිත වෙන්නේ මෙයාලා විතරයි

නාගයා
තිත් පොළඟා
තෙල් කරවලා
වැලි පොළඟා
මූදු කරවලා

සර්පයෙක් දෂ්ඨ කළා කියලා දැනගත්තම ප්‍රථමාධාරකරුවෙක් විදිහට ඒ ස්ථානයට ළඟා වෙන්න කලින් තමන්ගේ ආරක්ෂාව ගැන මුලින් හිතන්න ඕනේ. මොකද දෂ්ඨ කරපු සර්පයා ඒ අවට ඒ වෙද්දිත් ඉන්න පුළුවන් නිසා. එහෙම සැළකිලිමත් වුනේ නැත්නම් ඊළඟට මට සර්පයෙක් දෂ්ඨ කළෝ කියලා කෑ ගහන්න වෙන්නේ ප්‍රථමාධාර දෙන්න ආපු ප්‍රථමාධාරකාරයාට :)

පරිස්සමෙන් සර්පයා දෂ්ඨ කරපු මනුස්සයා ගාවට ගියා කියමුකෝ. ඊට පස්සේ හැකි ඉක්මනින් ඒ මනුස්සයාව ආරක්ෂාකාරී ස්ථානයකට අරන් යන්නත් වග බලා ගන්න ඕනේ. ඒක එයාට වගේම ප්‍රථමාධාරකාරයාටත් හොඳයි. මොකද අර සර්පයාගෙන් නැවත දෂ්ඨ කිරීමක් වුණත් වෙන්න පුළුවන් නිසා.

සාමාන්‍යයෙන් සර්පයෙක් දෂ්ඨ කරපු මනුස්සයෙක්ගේ මේ වගේ ලක්ෂණ දැකගන්න පුළුවන්

• සර්පයෙක් දෂ්ඨ කරපු සළකුණු හෝ සීරීමක්
• ඔක්කාරය, වමනය හෝ පාචනය
• හිසරදය
• පෙනෙන රූප බොඳවෙලා පෙනෙන එක
• ඇස් පිහාටු මලානික වීම, එල්ලා හැලීම
• ශ්වසන අපහසුතා
• නිදිමත ස්වභාවය, කරකැවිල්ල, ක්ලාන්තය
• ගිලීම හෝ කතා කිරීම අපහසු වීම.
• පපුවේ සහ උදරයේ වේදනාව හෝ තද ස්වභාවය
• ශ්වසනය දුර්වල වීම හෝ නතරවීම.

එතකොට දැන් මොනවද කරන ප්‍රතිකාර. මෙන්න මේවා තමා කරන්න ඕනේ ප්‍රථමාධාර ටික

• මානසිකව සනසන්න, බිය දුරුකරන්න.
• තුවාලකරු නිශ්චල කරන්න.
• ඇවිදීමට ඉඩ නොදෙන්න.
• දෂ්ඨ කළ ස්ථානය සබන් දමා මෘදු ලෙස හෝදන්න.
• තෙත තුවායකින් පිසදමන්න.
• වේදනාව සමනය වීමට පැරසිටමෝල් පෙති 2 ක් බීමට දෙන්න.
• වහාම රෝහලට ගෙන යන්න.

ඒ වගේම පුළුවන්කමක් තියෙනවා නම් විතරක් දෂ්ඨ කරපු සර්පයා පණ පිටින් හරි මරලා හරි රෝහලට ගෙනියන එක හොඳයි. ඒකෙන් සර්ප විෂ මොකක්ද කියලා හරියට හඳුනාගන්න පුළුවන් වෙන නිසා ඒක ප්‍රතිකාර කරන්න පහසුවක් වෙනවා වෛද්‍යවරුන්ට. හැබැයි සර්පයා අල්ලන්න ගිහින් අනිත් අයත් දෂ්ඨ කරගන්නවා එහෙම නෙමෙයි.

ඒ වගේමයි සර්පයෙක් දෂ්ඨ කළාම ඉස්සර කරපු ඒ වගේම ගමේ ගොඩේ කරපු මේ වගේ ප්‍රතිකාර තියෙනවා. ඒවා නම් කරන්න හොඳම නැහැ. ඒවායින් ලොකු හානියක් රෝගියාට වෙන්න පුළුවන්

• තුවාලය කපා විෂ ඉරීම.
• පීඩන තිරිංග දැමීම.
• තෙල් නස්න දියර නාසයට වත් කිරීම.
• මධ්‍යසාර බීමට දීම.
• තැඹිලි වතුර, කුරුම්බා වතුර හෝ පළතුරු යුෂ බීමට දීම.
• ඇස්ප්‍රීන් බීමට දීම.
• අධික ලෙස කලබල වීම වගේම රෝගියා කලබල කිරීම.

මේවා තමා සාමාන්‍ය අවබෝධය පිණිස දැනගන්න ඕනේ ඒවා. කෝකටත් හැමෝම වගේ ප්‍රථමාධාර ගැන සුළු හරි අවබෝධයකින් ඉන්න එක වටිනවා. මොකද සමහර වෙලාවට මිනිස්සුන්ගේ ජීවිත අනතුරකදී පහසුවෙන් බේරාගන්න පුළුවන් වුණත් ප්‍රථමාධාර නොදන්නකම නිසා ඒ ජීවිත නැති වෙන්නත් පුළුවන්. ඒකට හොඳම උදාහරණය තමා 2004 දී ලංකාවට සුනාමි ව්‍යසනය ආපු වෙලාව

ඉතින් ඒක නිසා පුළුවන් නම් ප්‍රථමාධාර පාඨමාලාවක් හඳුන්වන්. මේ වෙද්දී ලංකාවේ ක්‍රියාත්මක වෙන ප්‍රථමාධාර සේවා 3 ක් තියෙනවා. ඒව තමා

ශාන්ත ජෝන් ගිලන් රථ හමුදාව
රතු කුරුස සංවිධානය
සෞඛ්‍ය දාන ව්‍යාපාරය