Saturday, July 31, 2010

කවුරුන් හෝ මෙසේ ලියා තිබුණි.


මම මේ ලඟදී Campus Library එකෙන් "යුරෝපා ඉතිහාස සාරය" කියලා පොතක් ගත්තා. පොත නම් හුඟක් පරණයි. පොතේ ප්‍රථම මුද්‍රණය 1964 දී. පොත් ඒ කාලේ ඉදන්ම library එකේ තියෙන්න ඇති. මොකද විද්‍යාලංකාර විශ්වවිද්‍යාල පුස්තකාලය කියලා seal එකකුත් පොතේ වැදිලා තියෙනවා.

මේ පොතේ අන්තිම පිටුවේ කවුදෝ කවියක් ලියලා තිබ්බා මේ විදිහට.

සරසවිය ඉකි ගසයි
කිරි එරී පියවුරෙහි
සසල විය හද මඬල
සාර කළ විට ඒ ගත
දහදියෙන් රුධිරයෙන්
සුපිපි රත් හිරු පියුම
අවරගිර නොවේ පරවී ගියේ
විසුල ඒ පෙති දහර
නව පණක් ජීවයක්
ලබා දේ නවක දහසක් අයට
කෙසේ අප කරන්නද
ඔබට තුති උපහාර


Thursday, July 29, 2010

සේයා රූ කියන කතාව - ඔබාමා වත 2

ඇමරිකා එක්සත් ජනපදයේ 44 වෙනි ජනාධිපතිවරයා ලෙස පත්ව මේ දක්වා කටයුතු කරන බරැක් හුසේන් ඔබාමාගේ ජීවන ගමන පිළිබඳව සේයා රූ වලින් ඔබ වෙතට තිළිණ කරනා "සේයා රූ කියන කතාව - ඔබාමා වත " මීට කලින් පළවුණා. මෙන්න ඉතුරු හරිය. ඒ වගේම මට ඊයේ ධවල මන්දිරයෙන් e-mail එකක් ආවා මේක දැකලා ඔබාමා මහත්තයාත් සතුටු වුණා කියලා. කාටද ඉතින් ආඩම්බර :))

මේ T-shirt එක ඔයාලා මටම ද මැස්සුවේ ? ඔයාලා නම් හරි ෂෝයි අනේ



කොහොමද ෂොට් එක ? මෙහෙම අස්සෙන් දාලා තමා ගහන්න ඕනේ.




දැක්කද සර් ෂොට් එක ? මෙහෙම නැවිලා ගහන්න ඕනේ. මේකට හොඳ පොරක් ලංකාවේ ඉන්නවා T.M ඩිල්ෂාන් කියලා. එයාව දවසක් ගෙන්න ගමු.



ඔහෙ හිටු හොර බල්ලා. මෙතන එක විදිහකට ඉන්න බෑ. ගාල කඩා ගත්ත හරකා වගේ දුවනවා මෙතන.




මේ ඉන්නේ කියන දේ අහන හොඳ බල්ලා



මේ මං ගාව ආයි කතා 2 ක් නෑ. ඕන් කිව්වා පස්සේ කියන්න එපා කිව්වේ නෑ කියලා



ඉගිල්ලෙන්න උඩින් යන්න ඇයි දඟලන්නේ. මිනිස්සුන්ට කකුල් දෙකයි තටු නැහැ එන්නේ...............



ඕන් මං කිව්වාට පස්සේ මම කිව්ව එක ඒ විදිහටම කියන්න ඕනේ එක අකුරක්වත් හලන්න බෑ, විදින්නත් බෑ




ඇත්තටම මහත්වරුනි, නෝනාවරුනි. මේකද මේ ???




ඕන් මම ලියනවා පුතේ. මේන් අයන්න, මේ ආයන්න. හා කියමු බලන්න මාත් එක්ක



ආ නංගී, යන විට පාරේ උකුල නැටෙන තාලේ හා හා :))



හප්පේ මොකට මෙච්චර ජාති මේ අන්කල් ඔළුවේ ගහන් ඉන්නවාද මන්දා



දැන් මේ පුංචි පුතාලා දුවලා මොකද කරන්න යන්නේ ? මගෙන් සප් එකක් එහෙම ඕනේද ?




දැන් ඇත්තටම ප්‍රාග්ධන ඌණතාවය එක්ක ඇතිවන සේවා වියුක්තිය නිසා ශ්‍රම අසංතුලනයක් ඇතිවෙලා ඒ යටතේ උද්ධමනකාරී ආර්ථිකය ඇතිවෙලා ඩොලරයේ අගය අඩුවෙද්දී මෙහෙම ගැටළු ඇතිවෙනවා. තේරුණා නේද උත්තරේ ?



ජෝඩුව තනි පංගලමේ මල් වෙඩි බලනවා වගේ. මල් 7 යි ආ




ලෝකෙට ලොක්කා මං තමයි ගම USA



සුදු මල්ලී මේ සැටිය ඔන්න ඔහෙන් අල්ලන්න. මේක තව ටිකක් මුල්ලට ගන්න. මෙතන හැරෙන්නවත් ඉඩක් නැහැ.




ඔයා නම් හොඳ ජනාධිපති මාමි කෙනෙක්



මේ Plane එකේ pilot මල්ලී කෙනෙක් ඉන්නවාද දන්නේ නැහැ




සර් දැන් අපි මේ උඩින් යන්නේ ? අඩේ ඇත්ත නේද මම මුලින් හිතුවේ විහිළුවක් කියලා




තමුසේ හරි වැඩකාරයෙක් නේ.



මල්ලී විහිළු නැතුව ඔයා කියන්න මේක ආයි බිමට බාන්නේ කොයි වෙලාවටද කියලා. මට නම් දැන් පරාණ බයයි



හිලරි කවුරුවත් අපිව දකීද දන්නේ නැහැ නේද ?




ඔය මල්ලිලා ටික කෑ නොගහා වාඩි වෙනවාද මම මගේ රජ කතාව කියන්න යන්නේ




මට බෑ අප්පා මම යනවා යන්න



මා ඉතින් යන්න යනවා, මට යන්න අවසරයි, මට අරන් යන්න ඇත්තේ ඔබේ මතකය විතරයි





මතු සම්බන්ධයි

Monday, July 26, 2010

කුමුදු ලාල් පින්තු නම් වූ ඔහු

[ඡායාරූපය ලබාගත්තේ දුමීගේ කට කහන කතා blog අඩවියෙන්]

ඊයේ රෑ සින්ඩියට ගොඩ වැදුණු ගමන් ඇහැ ගැටුණේ අපේ blog සහෘදයෙක් වන පූසන්ගේ බ්ලොග් ගඩොල් blog එකේ "නිවන් සුව අත්වේවා!" නමින් දාලා තිබ්බ post එක. ඒකේ සඳහන් වුණේ "තම තම නැණ පමණින්" බ්ලොග් අඩවිය පවත්වාගෙන කුමුදු පින්තු මහතා අභාවප්‍රාප්ත වුණා කියන එක.

Openarc ආයතනයේ අළුත් අවුරුදු උළෙලට සහභාගි වුණු කුමුදු පින්තු මහතා [ඡායාරූපය ලබාගත්තේ රජින්ද්‍ර ඩයස් සොයුරාගේ Facebook Account එකේ තිබුණු Photo Album එකකින්]

ඒක අහපු ගමන් මට මුලින්ම මොකුත් හිතාගන්න බැරිවුණා. එතුමා අන්තිමට තමන්ගේ blog එකට post එකක් ලියලා තිබ්බේ ජූලි 21. ඊට පස්සේ මොකුත් ලියලා තිබුණේ නැහැ. සාමාන්‍යයෙන් පින්තු මහත්මයා දවස් දෙක තුනකට සැරයක් අළුත් post එකක් දාන නිසා මටත් ගැටළුවක් තිබුණා මොකද වෙලා තියෙන්නේ කියලා. ඒත් ඒකට උත්තරේ මෙහෙම එකක් වෙයි කියලා නම් මට හිතුනේ නැහැ.

අන්තිමටම ඒ කියන්නේ ජූලි 21 වෙනිදා "මිනීමල් හා මරණයට ඇති බිය" නමින් දාපු psot එකෙන් පින්තු මහත්මයා හුඟක් කතා කරලා තිබුණේ මරණය ගැන. ඒ වගේම තමන්ගේ මරණයත් ආසන්න බව.

එතුමා තමන්ගේ ගුරුතුමා වුණු උත්තම සාදු ගැන කියපු කතාවේදී උත්තම සාදු අපවත් වෙන්න කලින් උත්තම සාදුව ළඟින් ඇසුරු කරපු හැමෝටම ඒක කියලා ගියා වගේ තමන් ජීවිතයෙන් සමුගන්න කලින් ව්‍යංගයෙන් ඒක ගැන තමන්ගේ බ්ලොග් සහෘදයන්ට කිව්වා කියලයි මට නම් හිතෙන්නේ.

ඒ post එකේ තිබුණු එක් කොටසක මෙහෙම තිබුණා.

"අපේ ගෙදර ඉස්සෙල්ලාම නැති වුණේ අම්ම. අම්ම තාත්තට වැඩිය වැඩිමල්. ඊළඟට තාත්ත ගියා. පොතේ හැටියට ඊළඟට යන්න තියෙනෙ මට. ඉතින් මගෙ වාරෙ එනකම් ඊළඟ වාරෙ මගෙ කියල මතක් වෙන්නත් එක්ක මිනී මල් වැවුවහම මක් වෙනවද ?"

කුමුදු පින්තු මහත්මයා මගේ සැබෑ ජීවිතයේදී ගුරුවරයෙක් නොවුණාට සිංහල බ්ලොග් අවකාශය තුළදී ගුරුවරයෙක් වුණු බව කියන්න ඕනේ. බුදු දහම, පරිගණක තාක්ෂණය, ගණිතය, ජීවිතය ගැන එතුමා අපි හැමෝටම පාඩම් කියාදුන්නා කියන එක සිංහල බ්ලොග් අවකාශේ ඉන්න සෑම අයෙක්ම අවිවාදයෙන් පිළිගන්නවා කියන එක මට විශ්වාසයි.

එතුමා ගැන කතා කරද්දී මට විශේෂයෙන් මතක් වෙන සිද්ධියක් තමයි මේ.

අපේ Campus එකේ Computer Studies Subject එක කරන ළමයිට මේ දවස්වල උගන්වන්නේ C Language එක. ඒක තේරුම් ගන්න අමාරුයි කියලා තමා හුඟක් අය කිව්වේ. ඒ වෙලාවේ මට මතක් වුණේ කුමුදු පින්තු සර්ව. එතුමා C Language එක ගැන posts කීපයක් ලියලා තිබුණු බව මට මතක් වුණා. පස්සේ මම ඒ ටික මගේ යාළුවන්ට print කරලා දෙන්න කලින් ඒ ගැන කුමුදු සර්ගෙන් විමසීමක් කළා.

"අපේ කැම්පස් එකේ [කැලණිය විශ්වවිද්‍යාලයේ] Computer Studies එහෙමත් නැත්නම් COST එක කරන කට්ටියට මේ දවස්වල උගන්වන්නේ C language එක. ඉතින් ඊයේ ඒ subject එක කරන කෙනෙක් එක්ක කතා කර කර ඉද්දී එයා කිව්වේ හරි අමාරුයි C language එක තේරුම් ගන්න. කිසි පොතක් සිංහලෙන් නැහැ කරගන්න අමාරුයි කියලා.

මට ඒ වෙලේ මතක් වුණේ ඔබතුමා C language එක ගැන blog එකේ posts කීපයක් ලිව්වා නේද කියලා. මම ඒ ටික ඔක්කොම print කරලා එයාට දෙන්න තමා හිතුවේ. ඒ ගැන ඔබතුමා දැනුවත් කරලා අවසර ගන්න තමා හිතුවේ. ඒ වගේම තව ඉදිරියටත් ඒ ලිපි පෙළ ලිව්වොත් ඒ අයගේ යහපතට හේතු වෙයි කියලා විශ්වාස කරනවා."


ඒකට කුමුදු සර් දීපු පිළිතුර තමා මේ.

"කෙනෙකුගේ අධ්‍යාපනය වෙනුවෙන් කරන කිසිම දෙයකට අවසර ගන්න ඕනෑ නැහැ කාගෙන් වත්. මම ඒ ලිපි පෙළ ඉදිරියට ගෙන යන්න උත්සාහ ගන්නම්. දිරි ගැන්වීමට ස්තුතියි."

එහෙම කියලා නොනැවතුණු කුමුදු සර් මම එහෙම කියපු දවසට පස්සේ දවසේ ඒ කියන්නේ ජූනි 18 වෙනිදා C language එක ගැන posts 3 ක් එකවර පළකලා. මම ඒ වෙලේ එතුමාගෙන් ඇහුවා මේ වගේ තවත් ලිපි කීයක් විතර ලියන්න බලාපොරොත්තු වෙනවාද ? කියලා. ඒ වෙලේ කුමුදු සර්ගේ පිළිතුර වුණේ "සීයක් හමාරක්" කියන එක.

ඒත් අන්තිමට අපි කවුරුත් නොසිතූ වෙලාවක එතුමා අපෙන් සමුගත්තා.

මම අද Campus එකේදී කුමුදු සර්ගේ note එක මම බෙදලා දීපු යාළුවන්ටත් මේ සංවේගදායක ආරංචිය කිව්වා. එයාලත් දුක් වුණා මේ වගේ වටිනා ගුරුවරයෙක්ගේ අහිමි වීම ගැන.

මට අවසාන වශයෙන් කියන්න තියෙන්නේ බුදුන් වහන්සේ වදාළ පරිදි "රූපං ජීරති මච්චානං - නාම ගොත්තං න ජීරතී" ඒ කියන්නේ රූපය දිරයි, නාමය නොදිරයි. කුමුදු සර් සිංහල බ්ලොග් අවකාශයට කළ මෙහෙය සිංහල බ්ලොග් අවකාශය පවතින තුරා අපේ මතකයේ රැදිලා තියේවි.

ගුරු පියාණෙනි ඔබට අමා මහ නිවන් සුව අත්වේවා....


යහපත් දේ කරන,
නොමගටම යන දරුවන් විවේචනය කිරීම,
ඔවුන්ට ගැරහීම ඉතා පහසුය.

අවිද්‍යාවේ ගිලී අන්ධව,
තම දිවි මග අඳුරු කරගන්නා දරුවන්,
නිසි මගට යොමු කිරීම ඉතා අපහසුය.

පෙන්වා මග,
නොමග නොවැටී යන සැටි කියා දෙන්නේ,
සැබෑම ගුරු උතුමෙකි,
උත්තම මනුෂ්‍යයෙකි,
හෙතෙම ගුරු තරුවකි.


-ගුරු තරුව ඔබයි-

ප.ලි.: මට තියෙන එකම ගැටළුව හොඳ වැඩ කරන මිනිස්සු ඇයි ඉක්මනට මේ ලෝකය හැරයන්නේ කියලා. ඒකට උත්තරයක් මට හිතාගන්න බැහැ.


කුමුදු පින්තු මහත්මයාගේ ගෙදරට යන විදිහ දක්වන සිතියම උපුටා ගත්තේ "සිතුවිලි සිත්තමට නැගෙනා කවි පොත" බ්ලොග් අඩවියෙන්. ඒක අවමංගල්‍යයට සහභාගි වෙන්න බලාපොරොත්තු වෙන අයට ප්‍රයෝජනයක් වෙයි.

Sunday, July 25, 2010

සේයා රූ කියන කතාව - ඔබාමා වත

ඇමරිකා එක්සත් ජනපදයේ 44 වෙනි ජනාධිපතිවරයා ලෙස පත්ව මේ දක්වා කටයුතු කරන බරැක් හුසේන් ඔබාමාගේ ජීවන ගමන පිළිබඳව සේයා රූ වලින් ඔබ වෙතට තිළිණ කරනා "සේයා රූ කියන කතාව"...........

මං කොල්ලා පැටියා සන්දියේ







මං කොල්ලා ගැටයා සන්දියේ









මම හිරේ ගිය දවස :))





මං හොඳ ක්‍රීඩකයෙක් පේනවානේ.........












මාර හයියයි නේ භාණ්ඩේ




වේගය පිනවයි මරුවා කැඳවයි



ගනු කඩුව එනු සටනට





"බුහ් හාහ් හාහ්" බය වුණා නේද ?



උලත් එකයි පිලත් එකයි මළත් එකයි නැතත් එකයි අපි හැමදා සොමියේ ඉන්නවා........



කෝ නංගිලා මල්ලිලා අත් උස්සලා අත්පුඩියක් දෙන්නකෝ.........



>මේන් මෙහෙමයි කඩුළු පනින්නේ. දන්නේ නැත්නම් දැන්වත් ඉගෙන ගන්න.



"අප්පච්චී කොහොමද මං අල්ලන්නේ" ද නැත්නම් "හැංගිමුත්තෝ හැංගියෝ" ද ?




යමන් දුවේ ගෙදර යන්න




තව පොඩ්ඩක් පාත් කරා නම් තමා හොඳ. හදිසියේ වීදුරුවක්වත් බිඳුනොත් කනක් ඇහිලා ඉන්න නැහැ



මතු සම්බන්ධයි...............