Friday, September 30, 2011

පිනි දිය වැස්සෙන් පීදුණු කවි අංකුරය


ළහිරු කිතලගම එහෙමත් නැත්නම් අපි හැමෝම දන්න කවුඩව මම හොඳට අඳුනගන්නේ අපි හන්තානේ ගිය 1st Year Batch Trip එකෙන්. අපි ගිය බස් එකේ Leader එහෙමත් නැත්නම් බස්නායක වුණේ කවුඩා. බස් එකේ කට්ටිය හොඳට බලා කියාගෙන trip එක එක්කන් යන්න කවුඩා කටයුතු කළා. තව විදිහකට කිව්වොත් හොඳ නායකයෙක් විදිහට තමන්ගේ පිරිසව මෙහෙයවන්න කටයුතු කළා.

ඊට පස්සේ campus එකේදී පාරේ තොටේදී දකිද්දී බොහොම ලෙංගතුව හිනාවෙලා කතා කරලා යන මනුස්සයෙක් තමා කවුඩා. ඔය කාලේදීම තමයි මම දැනගත්තේ කවුඩා හොඳ කවි සිතුවිල තියෙන පොරක් බව.

Campus එකේම ඉන්න ඩොමා කියලා තව යාළුවෙක් Editor විදිහට ඉන්න http://pothpath.com/ web site එකේ කවි පිටුවේ කවුඩාගේ කවි දෙක තුනක්ම තියෙනවා මම දැක්කා. ඒ වගේම පොත් පත් කියවන, කවි ලියන හොඳ කලාබර පොරක් විදිහට තමයි මම කවුඩාව අඳුනගත්තේ.

ලඟදී දවසක campus එකේදී හම්බුණු වෙලාවක කවුඩා කිව්වා " මචං මම කවි පොතක් ලියලා තියෙනවා" කියලා පොතත් මට බලන්න දීලා පොතේ දොරට වැඩුම සැප්තැම්බර් 28 උදේ තියෙනවා ඒකටත් වරෙන් කියලා මටත් මතක් කළා.

මට කියන්න අමතක වුණා කවුඩාගේ ප්‍රියම්බිකාව අපිත් එක්ක Histroy Special කරන කෙනෙක්. ප්‍රියම්බිකාව අපිට පස්සේ invitation එකකුත් දුන්නා උත්සවේට එන්න කියලා.

ඉතින් එදා උත්සවේට තිඹිරියාගම බණ්ඩාර, මහින්ද ප්‍රසාද් මස්ඉඹුල, කල්ප එරන්ද වගේ කිවිවරුත් ඇවිත් හිටියා. මේ කවි පොතේ තියෙන කවි ගැන එයාලගේ අදහස් එහෙමත් අපි ඇහුවා. නූතන කාව්‍යයේ පෙරගමන්කරුවෙක් වෙන ලකුණු කිතලගමගේ පොතෙන් පේනවා කියලා තමයි එයාලා කිව්වේ.

ඒ වගේම අපිට දැනගන්න ලැබුණු විදිහට මේ කවි බොහොමයක්ම ළහිරුගේ ජීවන අත්දැකීම්. ඒවා කවි සිතුවිලිවලට පෙරලන එක ඇත්තටම හපන්කමක් නොවැ :)


මමත් මේ කවි පොත කියෙව්වා. මේ කවි පොතේ පිදුමෙන්ම අව්‍යාජ කවියෙක්ගේ ලකුණු පෙන්වන්න මේ සුහුඹුල් කවියා සමත් වුණු බව පේනවා.

ගත වෙහෙස දවසේම
සොච්චම් පඩියට විකුණා
සැඳෑ කළුවර වැටෙන ජාමයේ
සක්මන් ගමනින් පියමැන විත්
වඩු ඉස්කෝලේ කඩෙන්
හාලුත්, පොලුත්
භූමිතෙල් බෝතලයකුත් අරගෙන
ඉතුරු නැතත් ණයට හෝ
රුපියල් විස්සේ නෙස්ප්‍රේ
පැකැට්ටුවකුත් ගෙනැවිත්
සුදු පාට කිරි එකක් සදා
ක්‍රීම් ක්‍රැකර් විස්කෝතුවකුත් සමඟ
මා අසළින් තබා
සිනාසුණා ඇය..............

එළිවෙනකම්ම නොනිදා
පාඩම් කරන මා දිහා බලාගෙන
හොර රහසේම දෑස් පිසදා සිනාසී.....
කුප්පි ලාම්පුව නිමෙන ජාමෙට
තෙල් ටිකක් වත්කොට ආලෝකය සදා
මගේ දිවියට සදා ආලෝකයක් වූ
සොළොස් කලා පිරි පුරසඳ ඇය ය.

වැලි කැට වේදනාවෙන් පුපුරු ගහන
ගිනියම් අව්වේ
බෝධිරාජ මාවතේ මහ පාරේ
යකඩ සමඟ දවසේම පොරබදා
ජීවිතය සොයනා ඔහු

අහිමි වූ පිය සෙනෙහසේ
හිස් තැන් පුරවන්නට
වේලාසනම පාසල් ගමනත්
අහවර කොට
අර පේන සමනල් කන්දටත් වැඩි
මහ බරක් අරගෙන කරට

යෞවන සිහින කුසුම් සුපිපෙන
කල දවස සරි වුණත්
ඒ මල්වලට ඔහේ පර වෙන්ට ඉඩ හැර
අඬුව, මිටියට, වෑල්ඩින් ලාම්පුවට
හැමදාම පෙම් බඳින
දයාබර ඔහු

දවසේ මෙහෙවර කිස
අහවර කොට
ඉඳුපා බේරෙන බෝ මළුවට
හැන්දෑවට පැමිණ
මලක් පහනක් තියා බුදු සාදුට
හැමදාම අපි වෙනුවෙන් පැතුම් පුරන
බෝසත් කෙනෙකුන් තරම්
තෙත් වූ හිතක් ඇති
යහළුවෙක් සේ ළඟින් සිටින
ආදරණීය ලොකු අයියා ඔහු ය.

ඉතින් වැඩි කතා ඕනේ නැහැ. නූතන කාව්‍යයේ පෙරගමන්කරුවක් වන්නට යන අපේ සහෘද ළහිරු කිතලගමට හෘදයාංගම සුභ පැතුම් එක්කරන ගමන්ම ඔයාලටත් ආරාධනා කරනවා මේ කවි පොත රස විඳින්න එන්න කියලා. ළහිරුගේ කවියකින්ම අවසන් කරන්නම්........

කවි ලියන්නට නොහැක මට නම්
කවි විඳින්නට හැකිය මනරම්
නුඹේ කවියට කිත් යසස් ලද
ආසි පතනෙමි මගේ සකි සඳ


ළහිරු කිතලගමගේ Facebook Account එකට

10 comments:

  1. නියම කවි ටික...

    ජය වේව......!

    ReplyDelete
  2. මගෙත් සුබ පැතුම් ඔහුට

    ReplyDelete
  3. සුප පැතුම් ඒ මල්ලිට.

    ReplyDelete
  4. කියන්න වචන නැ.මාරම ලස්සනයි කවි.හදවතින්ම සුභ පතනවා ඔහුට.

    ReplyDelete
  5. ඒ මල්ලිට මගෙනුත් සුබ පැතුම්. නියමයි කවි ටික.

    ReplyDelete
  6. පට්ට කවිය මචන්.පොත කියවන්න ආසයි

    ReplyDelete
  7. aththatama math Lahiruwa aduna gaththe ape batch trip1n thama..eetapasse idan campus1di hambunama hondata hinawela kathakaranawa.. eya harima honda yaluwek.paththareka eyage kawiyak pala unama eeganat lahiru matak karanawa ehema man kawi keepayak kiyawala thiyenawa eewat harima sith ada ganna sulu kawi..eda mamat Lahiruge aradhanaya paridi pinidiya wassata giya..ee pothe thiyena hama kawiyakma harima lassanai ee hama kawiyakma eyage jeewitha athdakeem nisa thawat sundarai.. aththatama eda pamina siti amuththan kee paridi honda kawya nirmanakaruwekuge pera nimithi ohu thulin manawa peenawa kiyala mata hithenawa

    mamath ape LAHIRU KITHALAGAMA yaluwata ohuge kawya nirmana anagathayata HARDAYANGAMA SUBA PATHUM ekkaranawa..!!!

    sashi

    ReplyDelete
  8. kalekata passe kiyawapu hodhama kavi tikak...........lassanai

    ReplyDelete
  9. සැමට ලහිරු කිතලගම වෙනුවෙන් තුති. බූන්දියෙත් මේ ගැන ලිපියක් තිබුණා

    http://www.boondi.lk/CTRLPannel/BoondiArticles.php?ArtCat=POTH&ArtID=2267

    ReplyDelete
  10. මගේ දයාබර සුබ පැතුමි ආදර මල්ලීට

    ReplyDelete

මොනවා හරි කුරුටු ගාලා යන්න. ඒක මට හයියක්....................